Motor vs ambulansiya, usa patay

CEBU, Philippines — Patay ang giingong usa ka security guard nga sakay sa iyang motor human kini nabangga sa usa ka ambulansiyang padulong mokuha og pasahero diha sa eskina sa dalan Jakosalem Street ug Legazpi, Barangay Santo Niño, sa Dakbayan sa Sugbo kagahapon sa hapon. Ang nakalas nailang si Aldo Guiregay, taga Barangay San Roque, samtang ang drayber sa ambulansiya mao si James Obaob nga taga Barangay Apas.

Matud pa ni Corporal Joepherd Taneo, investigator sa Traffic Enforcement Unit nakaangkon og mga kadaut sa kalawasan si Guiregay nga maoy naingnan sa  iyang kamatayon ug wala na madala sa tambalanan.

Sa inisyal nilang pakisusi kusog og dagan ang duha tungod kay pareho man silang nangagusbat. /IBM (BANATNEWS)