Mga misa ug nobenaryo sa pista masud-ong na lang sa Facebook

CEBU, Philippines — Gumikan sa hulga sa coronavirus disease 2019 ang mga misa ug mga nobenaryo nga gipahinungod sa tinuig nga pangilin ni Senyor San Jose nga maoy patron  sa Dakbayan  sa Mandaue  karong Mayo 8 masud-ong na lang sa live streaming sa official  Face Book page sa National Shrine of Saint Joseph.

Ang misa nga matan-aw sa Facebook gisugdan niadtong Abril Abril 29 ug matapos kini hangtod sa Mayo 7, 2020.

Sa post  nga gipagawas  FB maoy makita ang gihan-ay nga mga oras sa misa ug nobenaryo gikad sa adlaw nga Lunes hangtod sa Biyernes.

Sa Lunes ug Biyernes ang Holy Rosary masud-ong sa alas 4  ang takna sa hapon nga pagsundan sa alas 5  nga nobenaryo ug mosunod sab ang Santos nga Misa sa alas 5:30.

Sa adlaw nga Sabado ang rosaryo sa 4:30 sa hapon ug pagasundan sa nobenaryo ug ang misa sa kapistahan sa alas 6 ang takna sa gabii.

Sa adlaw nga Domingo makita sa live streaming ang nobenaryo  ala-una ang takna sa hapon pagasundan sa  Balaang Misa sa alas 2 ang takna sa hapon  ug ingon man ang Balaang Misa sa alas 2:30 sa hapon gihapon.

Gikatakda pang i-post ang schedule sa misa sa adlaw sa kapistahan National Shrine of Saint Joseph.  /IBM (BANATNEWS)