Dakbayan sa Sugbo adunay 19 ka isolation centers

CEBU, Philippines — Ang kagamhanan sa Dakbayan sa Sugbo ni-identified sa 19 ka Barangay Isolation Centers nga magamit isip isolation facilities alang sa mga pasyente sa covid-19 nga asymptomatic.

Ang Barangay Isolation Centers i-monitor kini sa Department of Health (DOH), City Health Department (CHD) ug mga opisyal sa barangay.

Ang mga nahisgutang Barangay Isolation Center nahimutang kini sa Barangay Luz Elementary School, Apas National High School, Lahug Elementary School, Talamban Elementary School, Guba National High School, Mabolo National High School, Zapatera Elementary School, Bulacao Elementary School, Tisa Elementary School, Quiot Elementary School, Mambaling Elementary School, Pasil Elementary School, Inayawan Elementary School, San Nicolas Elementary School, Guadalupe Elementary School, Gothong Memorial National High School, Labangon Elementary School, Don Vicente Rama Elementary School, ug Pardo Elementary School.

Ang mga isolation room aduna kini mga higdaanan ug kagamitan nga gipahimutang alang sa mga tawo nga isulod diha sa maong mga lugar.

Kasagaran sa mga barangay diin nahisakop ang maong mga tulonghaan malaumon nga matapos na ang problema sa covid-19.

Subling gipahimangno sa mga opisyal sa kagamhanan nga magtinabangay ang tanan ug magpabilin lang kanunay sa ilang tagsa-tagsa ka panimalay. /BDB (BANATNEWS)