CEBU, Philippines — Dugang 140 ka mga bag-ong nagpositibo sa COVID-19 ang natala sa DOH kagahapong adlawa ug niabot na og 6,599 ang natakboyan tibuok nasud.
Matud pa sa Department of Health dunay 41 ka mga bag-ong nangaayo ug nahimo na karong 654. Siyam sab ang nadugang sa mga namatay nga karon miabot na tanan og 437 .
Sa pagkakaron, duna nay 17 accredited testing centers sa tibuok nasud samtang duna pay 40 ka laboratoryo ang nagpaabot maaprubahan ang accreditation. Naninguha ang DOH nga makapahigayon og 8,000 tests kada adlaw sugod sa kataposang bahin sa Abril.
Dul-an sa 60 mil na ang napaubos sa maong testing sa tibuok nasud sugod niadtong Enero.
Ang maong virus nga nagsugod sa Wuhan, China sa kataposang bahin sa miaging tuig nakatakod na og 2.4 milyones ka tawo ug nakapatay na og 170,042 sa tibuok kalibotan. Philstar.com/IBM