CEBU, Philippines — Nihatag og bendisyon si Cebu Archbishop Jose Palma sa mga sakop sa media nga mga frontliners usab niining panahon sa epidemiya sa Coronavirus Disease.
Ang Arsobispo niila usab sa dakung papel sa media niining panahon nga adunay enhanced community quarantine tungod kay ang mga kalihukan sa simbahan maabot gihapon sa katawhan ilabi na nagpatuman karon og Missa Sine Populo, mga kalihukan sa simbahan nga wala kaayoy daghan nga panagtapok sa mga tawo.
Ang Arsobispo atol sa pag-ampo niini nilitok nga bisan sa mga exposure sa media sa gawas nga bahin aron sa pagpangaylap og mga balita ug sa pagtaho niini sa katawhan nga ilikay sila batok sa hulga sa COVID-19 pandemic.
Ang Arsobispo atol sa pag-ampo niini nihalad sa mga sakop sa media nga hatagan sila og maayong panglawas ug kadasig pa sa pagdala sa maayong balita ngadto sa katawhan taliwala niining giatubang nga problema sa COVID-19.
Ang mga sakop sa media nga nitambong sa Palm Sunday Mass gikan sa radio, television ug newspaper lakip ang mga cameramen ug photographers ang mapasalamaton sa bendisyon nga gihatag sa Arsobispo sa Sugbo. /GMR (BANATNEWS)