CEBU, Philippines — Nagbinugtong nga namaligya og lukay gawas sa Cebu Metropolitan Cathedral ang taga Malubog, bukriang barangay sa Dakbayan sa Sugbo atol sa bendita sa lukay kagahapon.
Si Edisa Lofranco namasin lang sa iyang pagdala sa mga lukay ug olivo sa gawas nga bahin sa simbahan aron makapalit og konsumo.
Iyang gitug-an nga lisud ang biyahe tungod kay alas 9 sa gabii sila nibiya sa ilang balay ug alas 3 na sa kaadlawon sila nakaabot sa siyudad.
Mapasalamaton si Lofranco nga nahalinan gihapon bisan kung sa nilabay nga tuig tag P20 lang ang lukay nga giporma og krus karon nipresyo na siya og P40 tungod sa daku nga plitehan lakip ang suhol sa mga nialsa sa iyang baligya.
Si George Secuya, usa ka customer, nitug-an nga naandam sa iyang katigulangan ang pagbaton og lukay nga ibutang sa pultahan panalipod sa mga dautan maong nipalit siya niini. Mapasalamaton si Secuya nga adunay namaligya bisan ug gipatuman ang enhanced community quarantine. /GMR (BANATNEWS)