Frontliners sa Mandaue pahatagan og hazard pay

CEBU, Philippines — Gitinguha ni Mayor Jonas  Cortes sa Dakbayan sa Mandaue  nga kahatagan usab og hazard pay ang tanang frontliner sa siyudad. Si Cortes nipadayag nga sa mao niyang tinguha  awhagon niya ang  konseho nga mopalabang og ordinansahon kabahin niini. Gipasabot ni Cortes nga nahimutang sa risgo ang mga frontliner sa pagkuyanap karon sa coronavirus disease ug makiangayon nga hatagan sila og hazard pay.

Ang mga frontliner nga tinguhang hatagan og hazard pay sa siyudad gilangkuban sa  medical personnel,  barangay  health  worker  (BHW), mga barangay tanod ug uban pa. Ang Dakbayan sa Mandaue gilangkuban kini sa 27 ka barangay ug  ang matag  barangay  adunay  20 tanod, BHW, ug mga volunteers Ang mga tanod kauban sa mga volunteer maoy nagbantay sa 24  oras  sa matag  border sa mga molabay nga sakyanan o motorskilo ug paghimo og pakisusi  sa mga tawo nga nagsakay niini sa pagsuta nga luwas kini sa pagtakboy sa covid-19. /BDB (BANATNEWS)