Bugas ipanghatag, gatas gidili

CEBU, Philippines — Moabot sa 200,000 ka pamilya ang tinguha sa kagamhanan sa Siyudad sa Sugbo nga mahatagan og bugas isip ayuda gumikan sa kadaut nga namugna sa coronavirus disease (COVID-19).

Sigun ni Konsehal Raymond Alvin Garcia nga nisaka ang ilang target gikan sa 160,000 ngadto sa 200,000 ka pamilya.

Niabot na ang 100,000 ka sakong bugas nga gipalit sa siyudad ug gipaabot nga ipangapod-apod kini ugmang adlawa.

Nasabutan sa siyudad ug sa barangay nga matag pamilya makadawat og tag 25 kilos nga bugas.

Giklaro ni Garcia nga ang libreng bugas alang gyud sa mga residente sa siyudad nga nawad-an og panginabuhian gumikan sa COVID-19 ilabi na kadtong mga gitawag nga “no work, no pay”.

Apil niini ang mga habal-habal drivers, jeepney drivers, taxi ug uban pa.

Gumikan sa hugot nga pagpatuman sa social distancing, ang pagpanghatag tabangan sa Philippine National Police ug Armed Forces of the Philippines aron hapsay.

Ang siyudad nitagana og P1 bilyon nga pundo alang sa pagsagang sa epekto sa COVID-19.

No milk donation

Samtang ang National Nutrition Council 7 subling nipahinumdum sa polisiya sa gobiyerno nga “No Milk Donation Policy” subay sa problema karon sa COVID-19 diin mas gikinahanglan kaayo ang tukma nga nutrisyon.

Ang pahinumdum sa NNC-7 gitumong ngadto sa mga organisasyon o tawo nga nagplano nga moapod-apod og food packs o bisan unsa ngadto sa mga lugar nga naapektahan sa COVID-19 may labot sa Executive Order 51 kon The Milk Code And Its Revised Implementing Rules and Regulations.

Ang balaud nag-ingon nga, “Donations of breastmilk substitutes including infant formula, powdered milk and other milk; feeding bottles, teats and commercial baby food are not allowed and that these should not be part of general distribution of emergency food packs.”

Base usab sa Department of Health Administrative Order 2007-0017 kon ang Guidelines on the Acceptance and Processing of Foreign and Local Donations During Emergency and Disaster Situations.

Kini nag-ingon nga, “Infant formula, breastmilk substitutes, feeding bottles, artificial nipples, and teats shall not be items for donation. No acceptance of donation shall be issued for any of the enumerated items.”

Matud ni NNC-7 Regional Nutrition Program Coordinator, Dr. Parolita A. Mission, nga ang exclusive breastfeeding maoy labing maayo sa mga bata nga edad 6-anyos paubos kay sayon, healthy ug practical panahon sa kalamidad.

Giklaro ni Mission nga may labot sa nikatap karon nga kasayuran nga ang saging ug malungay tablet maoy epektibo nga tambal sa COVID-19, dili pa kini kay wala pay bakuna o tambal alang sa maong sakit apan ang saging ug malunggay maayo nga tinubdan sa vitamins ug minerals.

Bugas sa simbahan

Sa laing bahin 60 ka beneficiaries gikan sa nagkadaiyang kapilya sa Parokya sa Birhen Delos Remedios sa Guindarohan, Minglanilla ang nakadawat og taglima ka kilong bugas gikan sa simbahan.

Ang kura paruko nga si Fr. Moenil Lapa, nitug-an nga ang mga beneficiaries giila sa mga chapel leaders nga mga indigents nga sakop sa simbahan.

Matud ni Lapa nga ang iyang pagpangapod-apod og bugas iya kining saad ug hinatag nga grasya sa Ginoo, sa Mahal nga Birhen ug sa mga halad sa mga tawo.

 «Thinking how I could reach out even if I worry for my own sustenance but assured by God’s own providence and generosity. Rowena D. Capistrano/GMR (BANATNEWS)