Video sa pagpatay sa polis

CEBU, Philippines — Duha ka anggulo ang gisubay sa kapolisan sa Dakbayan sa Talisay labot sa pagpusil patay sa usa ka polis sa Sitio Baybay, Barangay Dumlog niadtong Sabado sa buntag.

Si Police Major Gerard Ace Pelare, hepe sa Talisay City Police Station, nagkanayon nga nakakuha sila og kopya sa close circuit television camera sa panghitabo.

Una nilang gitan-aw ang anggulo nga love triangle samtang ikaduha mao ang personal grudge o basin adunay gikakontra si Police Corporal Marlon Belleres.

Si Belleres kinsa nadestino sa Mabolo Police Station sa Siyudad sa Sugbo nagmaneho sa iyang motorsiklo paingon na unta nga motrabaho dihang gipusil.

Nisibat ang nag-inusarang mamumuno nga nagmaneho og Mio nga motorsiklo.

Matud ni Pelare nga dili madugay madakpan ra gyud ang responsable sa krimen. /GMR (BANATNEWS)