E-library gibuksan diha sa Isla sa Olango

CEBU, Philippines – Gibuksan sa kagamhanan sa Dakbayan sa Lapu-Lapu ang e- librarary  nga gipahimutang diha sa mini  city hall  sa Barangay  Talima, Isla  sa Olango sa nahisgutang  dakbayan.

Si Mayor Junard Ahong Chan ang nangulo sa pagbukas nga gitambongan usab  sa gatusan ka tinun-an, mga magtutudlo ug mga barangay  opisyal   sa nahisgutang lugar.

Sa pagpamulong ni Chan iyang  gipadayag  nga ilang gihimo  ang pagpahimutang sa e-library aron sa paghatag og kahimanan sa mga estudyante sa mga publikong tulunghaan  sa Isla sa Olango.

Ang Isla sa Olango gilangkuban kini sa 11 ka barangay diin lakip niini ang Sta.  Rosa, Tingo, San Vicente, Cao-oy, Pangan-an, Baring Caubyan ug Talima.

Ang e-library  unang  gibuksan diha sa hoops doom sa Barangay  Gun-ob diin ang mga tinun-an  gikan  sa mga publikong  tulunghaan ang nakapahimulos niini.

Ang e-library kompleto kini sa mga kahimanan nga naglakip sa wifi, computer ug kugalingon niining printer. /BDB (BANAT NEWS)