22 sakop sa CTMS positibo sa drugas

CEBU, Philippines — Matangtang sa ilang trabaho ang  22  ka mga   traffic enforcers  sa City Traffic  Management  System  (CTMS)  sa  Dakbayan  sa Lapu-Lapu  human sila nagpositibo sa paggamit og ilegal nga drugas ug naapil sa drug watchlist sa kapolisan.

Matud  pa ni Mayor  Junard  Chan, giproseso na ang pagtangtang kanila termination. Ang mga  taktakunon natala  sa drug watchlist sa kapolisan diin ang upat kanila napositibo sa random drug test niadtong miaging Martes.

Ang mayor  miingon gihatagan na lamang  og usa ka bulan nga pagserbisyo   sa ilang trabaho ang 22 samtang gipaabot pa ang resulta sa  confirmatory nga gihimo.

Sumala pa sa kapolisan ang pipila sa mga traffic enforcers gitug-an sa mga dinakpan nila sa operasyon batok sa ilegal nga drugas sama niadtong babayeng traffic enforcer.

Ang  maong  babayeng traffic enforcer nga nadakpan  sa buy bust operation   giila nga si Jannel Llamas Concon ang molupyo  sa Sitio Super Sunlight Barangay Babag. Kauban niini sa pagkadakop ang usa ka  Ruel Ybañez nga namaligya og shabu  sa  maong dapit.

“There are ways to mask the presence of illegal substances from one’s system such as what happened to the 22 traffic enforcers.  However, their inclusion in the PNP narcolist is enough grounds for their termination from service,” ang pangulo sa City of Lapu-Lapu Office for Substance Abuse Prevention (CLOSAP) nga si Garry Lao nagkanayon. /IBM (BANATNEWS)