Nakahuman

CEBU, Philippines — Sa pikas bahin, 355 ka mga Person Deprived of Liberty sa Cebu City Jail Male Dormitory ang ni graduate sa Surrender to God 8-weeks Continuing Care Program sulod sa maong pasilidad.

Ang maong mga PDLs nagatubang og mga kaso sa illegal nga drugas nga ni avail sa plea bargaining agreement.

Si Fr. Edwin Semblante midasig sa mga PDLs nga padayonon ilang pagbag-o.

Matud pa ni Fe Mantuhac-Barino, executive director sa SuGod Program, dul-an sa 600 ka mga PDLs ang nakahuman sa maong programa apan 355 pa ang nakahuman ug duna nay nakagawas sa prisohan. Samtang si Cebu City Male Dormitory Jail Warden Supt. Julius Arro, mapasalamaton sa SuGod Program kay sila nagpakabana sa mga PDLs ug paghatag unya kanila og livelihood training. Nagtuo siyang bisan kinsang nakasala mahimong hatagan og kahigayonan magbag-o.

Si Mayor Edgardo Labella kinsa mitambong sa kalihokan miingon nga kinahanglang matinud-anon ang mga graduates sa ilang pagbag-o, andam sab ang siyudad pagtabang kanila. –/IBM (BANAT NEWS)