Gwen di motuman sa zoning plan batok ASF

CEBU, Philippines – Dili motuman si Gobernador Gwendolyn Garcia sa Administrative Order sa buhatan sa Presidente kalabot sa pagpatuman sa “national zoning and movement plan for African Swine Fever”.

Ang maong AO nga gipirmahan ni Executive Secretary Salvador Medialdea nagmando sa tanang local government units nga kinahanglang istrikto sa pagpatuman sa Administrative Circular sa Department of Agriculture kalabot sa “zoning” ug “movement plan” sa mga baboy o karne sa baboy aron mapugngan ang pagkatap sa ASF. Sa maong circular sa DA, ni-classify kini sa mga “zone” base sa geographical limits nga giestablisar sa veterinary authorities human sa pag-ila sa mga Infected Zone ug Quarantine Zone sa ASF.

Ang “zoning” gi-apply kini sa Luzon diin ubay-ubay na nga probinsiya ang naapektohan sa ASF.

“I will stand by my order because this is an Administrative Order from ES Medialdea, that is focused mainly and reference is it’s here, Administrative Order Number 12, which refers to Luzon,” matud ni Garcia.

Matud niya nga ang ASF usa ka sakit nga dali ang pagkatap hinungdan nga dili siya mokompiyansa ug magpabilin ang iyang pag-ban sa mga pork ug pork products gikan sa tibuok Mindanao.

Samtang nangandam gyud ang DA-7 aron maseguro nga dili kasulod sa Central Visayas ang ASF nga nakaapekto sa kababuyan sa Mindanao.

Gibutyag ni Dr. Daniel Ventura, ASF spokesperson sa DA-7, nga hugot sila nga nakig-alayon sa mga LGUs ilabi na nga ang Rehiyon 7 ASF-free gihapon.

Gitataw ni Ventura nga importante nga dili makasulod sa Central Visayas ang ASF tungod kay sayud ang tanan nga daku ang epekto niini.

Gihimo karon sa DA-7 ang paghingusog sa quarantine measures, bio security sa umahan ug sa mga backyard raisers diin gi-promote nila ang good practices ug pag-obserbar og maayong bio security measures alang sa mga mamuhiay og baboy.

Han-ay na ang preparasyon sanglit duna sila’y containment plan ug control plan nga kun pananglitan dunay kaso as ASF dali dayon kining matubag.

Gihangyo nila ang mga backyard raisers nga importante ang quick detection ug ang pag-report angayan paspas mao nga kun dunay makitang sintomas o kaha nagduda i-report gyud dayon kini sa LGUs sanglit sila sa DA maghimo man sab og imbestigasyon ug duna sab sila’y nakaandam nga ASF test kits.

Gihulagway ni Ventura nga ang mga executive orders nga gipagawas sa mga LGUs daku og tabang tungod kay ang movement sa hayupan ingon man produkto sakop niini gawas sa zoning plan sa nasudnong kagamhanan.

“Sa zoning plan ang Region 7 nandoon sa dark green zone na kung saan ang movement ng produkto ay within the areas lang na nandon sa tinatawag na dark green zone so dun sa zoning plan na yan ang produkto galing Luzon at hindi pwedeng ipasok sa Region 7 at although wala pa dun sa zoning plan yung movement ng products from Mindanao ang EO naman po natin ay nako-cover po yun kasi yung zoning plan na yan nagawa yan bago po nagkaroon nga cases sa Mindanao,” dugang ni Ventura. Decemay P. Padilla/GMR (BANAT NEWS)