Follow up nga operasyon sa mata karong Huwebes

CEBU, Philippines – Gipahibalo kadtong mga pasyente nga mi-avail atol sa libreng cataract ug pterygium operation nga gipahigayon sa Rotary Club of Metro Cebu kaniadtong January 27 ngadto sa February 1 diha sa Basilica Minore del Sto Nino nga adunay final eye checkup karong Huwebes, February 13.

Sa Sabado, February 15, ang orihinal nga petsa sa maong final checkup sa mata. Apan nakahukom ang mga organizer sa maong medical mission nga sa Huwebes na lamang ipahigayon ang follow up nga operasyon.

Magsugod kini sa 1:00 sa hapon.

Mobalik karong Huwebes dinhi sa Cebu si Dr. Mario Reyes alang sa katapusan nga checkup niadtong mga pasyente nga gioperahan.  LPM (BANAT NEWS)