P2.8 bilyones proyekto ni Del Mar karong tuiga
CEBU, Philippines – Mokabat sa P2.8 bilyones nga dagkung proyekto ang gikatakda nga ipatuman karong tuiga.
Kini ang gibutyag ni Kongresista Raul del Mar sa Cebu City North District tumong sa pagsulbad sa huot sa trapiko sa dakbayan.
Nag-una niini ang P1.3 bilyones nga skyways ug tunnel sa tulo ka lugar nga grabeng huot sa trapiko.
Kini sama sa Gorordo Avenue-Salinas Drive hangtud sa eskina sa Archbishop Reyes Avenue/Gov. Cuenco Avenue-J. Luna Avenue eskina Cardinal Rosales Avenue/F.Cabahug Street-J.Luna eskina MJ Cuenco Avenue-J.Luna Avenue eskina A. Soriano Ave. hangtud J.Luna Avenue nga balor og P1.3 bilyones.
Ang F.Sotto Drive eskina Gorordo Avenue-Archbishop Reyes Avenue eskina Salinas Drive/J.Luna Avenue-Gov. Cuenco Avenue eskina AS Fortuna Street-Gov.Cuenco Avenue eskina ML Quezon Street-Gov. Cuenco Avenue paingon sa Talamban junction duna nay pasiuna nga gipagawas nga pundo balor og P43 milyones.
Wala pay pundo ang sa Cardinal Rosales Avenue eskina J.Luna Avenue-F.Cabahug Street paingon sa H. Cortes St ingon man ang kaugmaran sa Mass Transit System.
Ang katukuran sa Lahug-Guadalupe Diversion Road aduna nay pundo nga P1 milyon nga gikatakda na usab nga sugdan.
Gawas sa sulbad sa trapiko, ipatuman na usab ang katukuran sa ikaduhang building sa Cebu City North District Hospital sulod sa Vicente Sotto Memorial Medical Center balor og P125 milyones; Cebu Technological University Campus sa bukirang bahin sa siyudad balor og P28 milyones ug ang NextGen Hub sa Barangay Cogon Ramos alang sa mga kalihukan ug programa sa kabatan-onan balor og P15 milyones. (BANAT NEWS)
- Latest
