Publiko kuwang pa sa pagpakabana sa basura
CEBU, Philippines — Nagtuo ang Environmental Management Bureau sa Department of Environment and Natural Resources 7 nga kuwangn pa gihapon sa pagpakabana ang katawhan sa paghipos sa basura atol sa Sinulog.
Kini bisan minus sa nakolektang basura bali og 79 tonelada itandi sa niaging tuig.
Matud ni Chad Fernandez, Environmental Management Specialist II sa Solid Waste Management Section sa EMB-DENR-7, nga kasagaran sa basura nga natigum mao ang plastic bottles ilabi na nga init ang panahon atol sa Sinulog.
Ang problema mao nga bisan dunay sudlanan nga giandam, ilabay gihapon bisan asa ang mga basura.
Alang kang Fernandez importante ang information awareness kay sa iyang tan-aw dili pa kaayo ingon ka responsable ang mga tawo gumikan kay wala masayud sa epekto niini sama sa hinungdan sa baha.
Gipahibawo ni Fernandez nga sila sa EMB daghan og programa nga giandam niining tuiga aron mas palig-onon pa ang ilang kampanya sa solid waste management. /GMR (BANATNEWS)
- Latest
