Gipatukod nga pader kilid sa sapa walay permit
CEBU, Philippines — Usa ka developer diha sa Barangay Binaliw, Dakbayan sa Sugbo giingong adunay nahimong kalapasan sa environmental laws.
Kini base sa gihimong imbestigasyon sa Community Environmental and Natural Resources Office (CENRO).
Ang CENRO niduso sa mga reklamo sa mga residente sa lugar batok sa developer ngadto sa City Legal Office (CLO).
Base sa suwat nga gipadala sa CENRO ngadto sa CLO niadtong Enero 6, 2020 nga ang mga nireklamo residente kini diha daplin sa sapa sa Binaliw diin boundary usab kini sa Barangay Pit-os ug Binaliw.
Ang CENRO nipahigayon og ocular inspection niadtong Septiyembre 5, 2019 nasuta nga ang maong developer wala kini permit sa pagpatukod niini og pader daplin sa sapa.
Si Attorney Rey Gealon, city legal officer nagkanayon nga giingong ang developer niangkon nga wala silay mga clearance ug permit.
Ang CLO nirekomendar sa Office of the Building Official (OBO) ang pag-isyu og “cease and desist order” batok sa maong developer.
Giingong ang pagpatukod sa maong developer og pader diha daplin sa sapa kalapasan kini sa Presidential Decree No. 1067 kun “ Water Code of the Philippines”. /BDB (BANATNEWS)
- Latest
