Regulasyon para sa mangapil sa fluvial procession gipahugtan

CEBU, Philippines – Gi-briefing na sa Philippine Coast Guard (PCG)-7 tanang mga operators ug tag-iya og og sakayan ug lantsa nga nakaparehistro aron mosalmot sa umaabot nga Fluvial Procession karong Enero 18, adlaw’ng Sabado.

Ang final briefing gihimo diha sa Headquarters sa Coast Guard Central Visayas Hawanan ni Lapu-Lapu nga gitambungan sa 179 ka mga operators ug uban pang ahensyang mosalmot sa maong kalihokan.

Gihapsay ang tanan apil na ang mga pwesto sa mga mangapil ingon man ang mga regulasyon nga kinahanglang sundon alang sa luwas nga paglawig diha sa Mactan Channel. Gipahibawo sab nila ang mga operators ug mga tag-iya sa sakayan labot sa closure sa North ug South Mactan Channel sugod sa alas- 4 sa kadlawon sa Enero 18 hantod sa alas- 10 sa buntag nga maoy mga oras nga mahitabo ang maong parada sa mga sakyanan sa dagat dala ang imahen sa Balaang Bata Sr. Sto. Niño.

 “Plus ‘yung mga prohibitions for example, dun sa ating phase 3 na kapag approaching na sila sa Pier 2 at Pier 3 mag-slow down na yung lahat na mga vessels. Pagdating sa Pier 2 lahat ng participating vessels will stop except yung ating Galleon at ‘yung lead vessel that will provide the security for the disembarkation or the docking ng ating Galleon sa Pier 1. At the same time we also remind them na hindi na iikot ‘yung ating Galleon in Pasil area,” asoy sa tigpamaba sa PCG-7 Lt. JG Michael Encina.

Giawhag sab nila ang mga nahisgutan nga likayan ang pagdala og backpacks alang sa sayon nga inspeksyon. Gidili sab ang balloons ingon man ang pagpalupad og drones. /IBM (BANAT NEWS)