Sinulog booth, exhibit gibuksan
CEBU, Philippines – Gibuksan na ang Sinulog Balik Booth ubos sa Balik Cebu Program aron pag-abi-abi ug pagtabang sa mga balikbayan atol sa Sinulog Festival.
Si Celeste Bong Dy, general manager sa Ayala Center Cebu, niingon nga sugod sa Enero 8, ang mga tiket alang sa lainlaing kalihukan sa Sinulog ug “Balik Cebu Homecoming Dinner” sa Enero 16 sa Terraces Ayala mapalit na sa booth.
Bukas na usab ang Sto. Niño Exhibit sa Gallery hangtud sa Enero 20.
Si Mary Ann Dimabayao sa Public Affairs Office sa MCIAA, nibutyag nga moabot sa 300 mil ka bisita ang mangabot karong tuiga.
Matud ni Dimabayao nga kadaghanan sa mga deboto sa Sr. Sto. Niño mga domestic nga biyahero.
Si Patricia Aurora Roa, sakop sa Balik Cebu Committee, nagkanayon nga kini nga tuig usa ka pasiuna sa ika-500 nga tuig sa pag-abot sa imahen ni Sto. Niño sa Sugbo sa sunod tuig 2021.
Ang Balik Cebu Booth anaa sa ground level sa Ayala Center Cebu Concierge duol sa Paseo Marina. /GMR (BANAT NEWS)
- Latest
