Krimen sa Central Visayas nikunhod

CEBU, Philippines — Nikunhod ang krimen nga natala sa Police Regional Office 7 sa tuig 2019 itandi sa 2018.

Kini maoy gibutyag ni PRO-7 Deputy Regional Director for Administration, Police Brigadier General Ildibrandi Usana.

Matud ni Usana nga moabot lang sa 67,264 ka insidente ubos sa crime index nga natala sa 2019 samtang nikabat sa 54,241 sa tuig 2018 sa Central Visayas.

Samtang nisaka usab ang non-index crime sa Central Visayas ngadto sa 19.1 porsyento o 29,666 nga non-index crime ang natala gikan sa 11,558 sa 2018.

Ang non-index crime lakip niini ang paghingusog sa kampanya batok sa ilegal nga drugas.

Gipasabot ni Usana nga ang pagsaka sa non-index crime nagpamatuod nga subsob ang kampanya sa kapolisan batok sa ilegal nga kalihukan sa Central Visayas.

Kini human nga nikabat ngadto sa 7,152 ka operasyon ang natala sa kapolisan sa ilegal nga drugas samtang 611 sa kalapasan sa Traffic Code.

“It appears na talagang no let-up ang ating mga kapolisan sa lahat ng mga lugar against those who are vent on destroying our communities like illegal drugs so hindi tayo dyan natatapos kailangan pa ring patunayan na binibigyan talaga natin ng premium yung anti-illegal drugs operation natin,” matud ni Usana.

Kahinunduman nga nagpahigayon sab og inspeksyon sa mga police stations si Usana lakip na niini ang pagsusi sa mga piniriso ug sagad niini mao ang adunay kalambigitan sa ilegal nga drugas.

Tinguha ni Usana nga magpadayon pa ang kalampusan sa pagmintinar sa kahapsay ug kalinaw sa Central Visayas. /GMR (BANATNEWS)