Pamilya ni Samsam nanghatag og pinaskohan sa mga bata

CEBU, Philippines — Ang pamilya ni Mayor Gerald Anthony “Samsam” Gullas, Jr. sa Dakbayan sa Talisay nanghatag og pinaskohan sa ilang mga silingan nga bata. Sa post ni Gullas diha sa iyang social media account nagkanayon kini nga sukad siya naminyo sa iyang kapikas nga si Rhea nagkasabot sila nga mohatag og pahalipay sa mga bata panahon sa pasko.

Ang pamilyang Gullas kinsa nagpuyo diha sa Barangay Lawaan 1, Dakbayan sa Talisay nakigsabot sa ilang barangay kapitan nga si Joel Cabo sa pagpanghatag og pinaskohan sa 300 ka bata sa daycare center sa ilang barangay.

“I also let my daughter Princess join para makakita sa sitwasyon. When I talk about God giving us blessings, I mean her as well. Princess is lucky to have Rhea and I. Aside from being a public servant, I have job security as the assistant vice president sa University of the Visayas. So mga needs ni Princess, most of the time mahatagan gyud namo ni Rhea. That’s why gipakuyog gyud nako para she’ll see that others don’t have the same privileges she has so she will also have the heart to help the less fortunate”, tipik sa post ni Gullas.

Matud ni Gullas nga bisan og ginagmay nga pahalipay apan ang pahiyom ug kalipay sa mga bata maoy nagsilbing timaan nga pasko karong panahona.

Si Gullas nipasalamat sa Camp Adobo ug sa iyang ninang nga si Apet Nuñez kinsa nitabang usab kaniya sa maong kalihukan.

Si Gullas nipasabot sa ubang mga kapitan nga gisunod lang una niya ang panultihon nga “Love Thy Neighbor” ug iyang giklaro nga pinangga niya ang tanan hinungdan nga dili angayang maguol. /BDB (BANATNEWS)