Marka sa Christmas lights susihon–BFP

CEBU, Philippines – Higpit karon nga gipahimangnoan  sa Bureau of  Fire Protection (BFP)  sa Dakbayan  sa Mandaue ang katawhan nga  likayan ang  paggamit  og mga substandard  nga Christmas light niining pagsaulog sa Pasko.

Si  Senior  Fire  Office  One  Wendell  Villanueva nagkanayon nga nagpadayon karon ang ilang pagpahimangno  sa mga molupyo  sa siyudad.

Matud ni Villanueva nga lakip karon sa ilang gipahimangno mao ang pagsiguro  sa mga electrical  connection diin likayan  ang overload sa mga outlet nga maoy mahimong hinungdan  sa sunog.

Ang pamaliton nga Christmas lights kinahanglang sutaon nga adunay marka nga Imported Compliance Commodities (ICC) nga maoy ilhanan nga nakapasar kini sa inspeksiyon nga gihimo sa Department of Trade and Industry. Gipahimangnoan usab ni Villanueva ang mga molupyo nga dili mogamit o mamaligya og mga pabuto paglikay sa aksidente. (/BDB)(BANAT NEWS)