Land development permit diha sa SRP aprobado na
CEBU, Philippines – Giaprobahan sa konseho sa Dakbayan sa Sugbo ang land development permit sa SM ug Ayala diha sa South Road Property (SRP).
Gibutyag ni Cebu City Mayor Edgardo Labella nga tulo na ka tuig ang pagkalangan sa maong proyekto diin dako kini og tabang sa mga Sugboanon kabahin sa trabaho.
Atol sa pagpamulong ni Labella niadtong 100 ka adlaw niya sa paglingkod sa katungdanan nagkanayon kini nga ang mga residente sa Dakbayan sa Sugbo maoy prayoridad sa mga trabaho unya kong mapatuman na ang maong proyekto.
Si Attorney Jose Daluz, III, SRP manager nipadayag nga napanglantawan nga mohuot ang dagan sa trapiko diha sa SRP sa higayon nga mabuksan na ang Cebu-Cordova Link Expressway (CCLEX) ug kong mo-operate na usab ang mga dagkong kompaniya sama sa Ayala ug SM.
“We are creating a technical working group with DPWH, and big companies because I see SRP 2-3 years from now that the volume of traffic will be twenty times”, matud ni Daluz.
Gibutyag ni Daluz nga nagkuha sila og consultant kinsa maoy magtuon ug mo-assess kabahin sa problema sa trapiko sa umaabot.
We want SRP to be a walkable area. We want SRP to be a smart and green city at the same time”’ dugang ni Daluz. (/BDB)(BANAT NEWS)
- Latest
