Posisyon ni Rodas agad sa CSC
CEBU, Philippines – Gihimakak ni Gobernador Gwendolyn Garcia nga dili niya i-appoint ang kanhi provincial budget officer nga si Danilo Rodas isip assistant department head sa Provincial Budget Office.
Matud ni Garcia nga naghuwat pa lang sila sa resolusyon gikan sa Civil Service Commission kun unsay mahitabo sa kaso ni Rodas.
Si Rodas nagpatabang sa hunta probinsiyal human iyang nasayran nga wala siya sa listahan sa mga plantilyado nga masweldohan sunod tuig.
Si Provincial Administrator Noli Valencia nagkanayon nga wala pay basehan nga mabalik si Rodas isip assistant department head sanglit wala siyay appointment.
Si Rodas adunay deed of undertaking nga kun mabalik si Emmie Gingoyon isip budget officer sa Kapitolyo manaug siya isip assistant budget officer.
Apan si Garcia nagkanayon nga ang deed of undertaking ni Rodas “aggravation” sa kasong illegal appointment nga ilang gipasaka batok kang kanhi gobernador ug karon Bise Gobernador Hilario Davide III ug ubang mga opisyal kaniadto sa Kapitolyo.
“That’s rather strange to say the least even irregular if we must declare about this, in so far as his appointment as budget officer is concerned. For me it’s an evidence against those who issued the illegal appointment,” matud ni Garcia. (/GMR)(BANAT NEWS)
- Latest
