CEBU, Philippines — Kutob ra karong udto ang mga trabaho sa mga buhatan sa gobiyerno subay sa mando sa Malacañang.
Kini aron paghatag og panahon sa mga kawani nga makabiyahe sa tagsatagsa nila ka lugar sa pagsaulog sa kalag-kalag.
Hinoon base sa memorandum nga gipirmahan ni Executive Secretary Salvador Medialdea nga kadtong mga buhatan sa mga emergency ug vital services ang magpadayon sa operasyon.
Ang pagsuspenso sa klase sa mga pribadong tunghaan gihatag ang gahum ngadto sa tagdumala niini.
Samtang ang Bureau of Fire Protection sa Dakbayan sa Sugbo ang nipahimangno pinaagi sa rekorida aron paglikay sa sunog isip kabahin sa ilang Oplan Kaluluwa, Undas 2019. (GMR)(BANATNEWS)