CEBU, Philippines — Giaprobahan sa konseho sa Dakbayan sa Mandaue ang ordinansahon nga naglatid kun pila ang abangan ug diskuwento sa puwesto sa merkado publiko luyo nga bahin sa National Shrine of Saint Joseph sa Barangay Centro.
Si Konsehal Jimmy Lumapas, chairman sa committee on market maoy nangamahan sa maong ordinansahon nga nag-amendar sa daanng ordinansa nga naglatid og kantidad nga abangan sa mga stalls sa nahisgotang merkado publiko.
Sa pagbukas sa bag-ong merkado publiko niadtong Agosto 28 niining tuiga ang mga vendors nga nag-ukopar og puwesto base sa karaang ordinansa.
Sa giaprobahan nga bag-ong ordinansa 20 porsiyento ang diskuwento sa stall rentals sa mga RTW ug appliances/utensils ug 10 porsiyento usab nga diskuwent sa stall rentals sa mga karenderiya ug mga painitan.
Ang diskuwento ipatuman sugod Oktobre 267 hangtod sa Nobiymbre 30, 2019. Human sa paglabay sa maong mga adlaw pabayron na sila sa bag-ong rate sa abangan.
Ang karenderiya P 54.00, painitan P 27.00, RTW (Regular)P 56.00, RTW (Prime) P 72.00, appliances (Regular) P56.00 ug appliances (Prime)P 72.00
Ang maong ordinansa nga ilang giaprobahan ang magsugod kini sa pag-epekto human sa paglabay sa tulo ka semana ug sa publikar usab sa pamantalaan. (/IBM)(BANATNEWS)