Cebu, Philippines — Gikalipay sa mga manindahay og mga imahen sa Santos kilid sa Basilica Minore del Sto. Niño sa dalan D. Jakosalem ang supresang pagbisita ni Cebu City Mayor Edgardo Labella niadtong Huwebes sa gabii.
Uban ni Labella ang pangulo sa Prevention Restoration Order Beautification Enhancement (PROBE) Team nga si Raquel Arce, world-renowned designer Kenneth Cobonpue ug uban pa.
Matud ni Ernie Alvaran, presidente sa Basilica United Vendors Photographers Association, nga ang pagtangtang nila sa mga tapangko sa ilang mga pwesto maoy usa sa ilang gitanyag sa kagamhanan sa siyudad aron manindot ang tindahan ug mapakita ang sidewalk ug wala sila nakabalda.
Nagpasalamat kini sa mayor sa gihimo nilang inspeksiyon sa nilabay nga gabii.
Plano karon nga panindoton ang ilang tindahan ug himoong cultural heritage aron mahimong tourist attraction.
Si Cobonpue ang motabang sa siyudad sa pagpanindot sa mga sidewalks. GMR ( BANAT NEWS