CEBU, Philippines — Duha ka mga investors nga nabiktima sa investment scam ang niduso sa ilang reklamo sa buhatan sa Criminal Investigation and Detection Group 7.
Ang usa sa biktma kanhi Overseas Filipino Worker (OFW) sa Taiwan ug lumad nga taga Sogod, Southern Leyte. Ang iyang gireklamo mao ang investment company nga Zhan Shen, gipasaligan siya nga mabalik og doble ang iyang kwarta sulod lamang sa 90 ka adlaw.
Mihatag siya og P300 mil ug gikatakda unta nga madawat niya ang unang pay out niadtong Agusto ug karong buwana, apan wala siya’y nadawat gikan sa maong investment company.
Lain usab nga biktima nga taga lungsod sa Consolacion mipatim-aw nga gidani siya sa maong grupo pinaagi sa social media nga ma doble iyang kwartang gi invest.
Nihatag siya og P36 mil ug ang laing P62 mil kwarta sa iyang inahan nga unta gamiton sa pagpa checkup sa mata apan hangtud karon wala pa gihapon siya nakadawat sa interest nga gisaad niini.
Matud pa ni Police Major Edwin Lacostales ang hepe sa CIDG Mandaue Field Unit nga makigalayon pa sila og abogado tungod ky lahi ang pangalan nga gigamit sa investment company. IBM (BANAT NEWS)