CEBU, Philippines — Gusto ni Gobernador Gwendolyn Garcia nga maminaw gikan sa Department of Environment and Natural Resources (DENR) ug sa Department of Public Works and Highways kalabot sa gikatakda nga pagputol sa mga century-old nga kahoy nga anaa sa highway sa Dakbayan sa Naga ug Carcar.
Kini human sa sunod-sunod nga hangyo sa publiko ug pag-awhag ngadto sa DPWH nga dili idayon ang plano alang sa pag-ayo ug road widening project sa ahensya.
“I think gikonsulta na sa local governments gyud unya usa na mapadayon mangayo gyud na og permit sa DENR, ang DPWH and I presume ni-isyu na og permit ang DENR niana. As soon as I can, this at least I can promise without needing to intervene, I shall call a meeting with DENR and DPWH in order to find out exactly pila ni ka trees ang affected if anything still can be done about it or wala na ba. That much I can promise,” matud ni Garcia.
Apil usab nga ipatawag ang mga mayor sa mga apektadong lugar aron maminaw sa habig sa local government unit nga maoy nasuhito ug nahibalo sa tinuod nga sitwasyon.
“Ang flow of traffic, possible road accidents that have happened because of obstruction including trees, so maminaw sad ta, out of respect also sa atong chief executives,” matud ni Garcia kinsa nagkanayon nga plano niini nga makigkita sa mga mayor ug sa mga ahensya sulod karong semanaha.
Dili mominus duha ka online petition ang gitinguha nga mapaabot ngado sa DENR ug kang Presidente Rodrigo Duterte paghangyo nga dili dayonon ang pagpamutol sa maong mga kahoy. (/GMR)(BANATNEWS)