CEBU, Philippines – Nakakitaa og labing minus 11 ka kakuwangan ang Commission on Audit sa mga transaksyon sa kagamhanan sa Dakbayan sa Sugbo gikan sa Enero 1 hangtud Hunyo 30, 2019 sa administrasyon pa ni kanhi mayor Tomas Osmeña.
Sa Agosto 13 nga suwat ni COA Supervising Auditor Maria Daisy Bercede, gihangyo si Cebu City Mayor Edgardo Labella nga tumanon ang ilang mga rekomendasyon aron pagtarung sa mga kakuwangan.
Lakip sa mga transaksyon ang P430 milyones nga kantidad sa mga proyekto ubos sa Special Education Fund gikan sa 2007 hangtud sa 2018 diin girekomendar sa COA sa Local School Board nga susihon pag-usab ang mga proyekto nga gigastuhan sa maong pundo aron matubag ang panginahanglan sa mga publiko nga eskwelahan.
Gihisgutan sab sa COA nga ang pagpatuman sa kantidad nga P634 milyones nga nadugay sa pag-implementar tungod kay ang detailed engineering investigation dili igo nga gihimo.
Wala sab gisirado ang book of account sa City Abattoir nga adunay P132 milyones nga gibalhin sa General Fund bisan sa pagdonar sa abattoir ngadto sa Lalawigan sa Sugbo.
Gihangyo sa COA ang siyudad nga ipatuman ang Mandatory Segregation of Solid Waste tungod ang dili pagpatuman niini makagasto ang siyudad og mahal nga paglabay sa basura.
Nasuta usab sa COA nga sa 31 ka rekomendasyon sa tuig 2018, 12 ang hingpit nga gipatuman, 12 ang partially nga gipatuman ug pito ang wala pa gipatuman.
Ang Local Finance Committee sa kasamtangan nga administrasyon ang nag-review sa report sa COA. (/GMR)(BANAT NEWS)