Suplay sa tubig sa MCWD kuwangan

CEBU, Philippines – Ang konseho sa Dakbayan sa Sugbo nipadayag nga dili sila kontento sa serbisyo sa Metropolitan Cebu Water District tungod sa kakuwang sa suplay sa tubig.

Si Konsehal Raymond Alvin Garcia sa privilege speech niini kagahapon nibutyag kabahin sa mga reklamo nga nadawat sa syudad tungod sa kakulang sa suplay sa tubig.

Giingong ang tubig nga gisuplay sa MCWD dili kini igo sa demand nga tubig sa Sugbo nga 580,000 cubic meters matag adlaw.

Ang MCWD aduna lang kini 233,000 cubic meters nga suplay sa tubig matag adlaw.

Si Garcia niawhag kang Mayor Edgardo Labella nga gamiton ang gahum niini sa pagtangtang sa mga miyembro sa Board of Directors sa MCWD nga subject sa approval sa Local Water Utility Administration.

Apan sila sin Konsehal Nestor Archival, Sr. ug Alvin Dizon nisupak niini tungod kay wala pa maaprobahi ang desalination plant nga source sa pribadong consortium ug ang problema sa kakulang sa suplay sa tubig dili maresolba kon ilisan ang mga miyembro sa BOD sa MCWD.

Giimbitar usab sa konseho ang mga miyembro sa Lupon sa mga direktor sa MCWD nga motambong sa regular session sa konseho sa sunod semana aron mahisgutan ang kakulangan sa suplay sa tubig ug ang pending proposal gikan sa usa ka consortium.

Ang MCWD, sa ilang press statement una nang nagkanayon nga wala pay agreement ang MCWD sa bisan kinsang consortium  kalabot sa dugang nga supply sa tubig. (/BDB)(BANAT NEWS)