Zafra: Water catchment makasulbad usab sa baha
CEBU, Philippines — Giaprobahan sa konseho sa Dakbayan sa Sugbo ang giduso nga resolusyon ni Konsehal Phillip Zafra kabahin sa pagtukod og water catchment, water impounding facility ug gabion dams diha sa bukirang barangay sa siyudad.
Matud ni Zafra nga makatabang kini sa pagtipig ug pagpreserba sa tubig nga magamit panahon sa huwaw.
“It all started that time nga menos kaayo ang uwan sa ato. Nakahigayon ko’g tungas sa atong kabukiran ug akong nakita ngadto nga naa pay tubig sa ilang kasapaan”, matud ni Zafra.
Nabantayan ni Zafra nga ang mga residente sa lugar naghimo og water catchment gamit ang trapal.
Si Zafra naglaom nga pinaagi sa water catchment o impounding facilities adunay matigom nga tubig gikan sa tinubdan diha sa mga bukirang barangay ug sa ulan.
Dugang ni Zafra nga ang pagtukod sa nahisgutang pasilidad gawas nga makatabang kini sa pagtipig og tubig makatabang usab kini og sulbad sa problema sa baha. (/BDB)(BANATNEWS)
- Latest
