CEBU, Philippines – Ang kagamhanan sa Dakbayan sa Sugbo estriktong nipatuman sa dress code sa mga opisyal ug kawani sa gobiyerno.
Kini subay sa Civil Service Memorandum Circular No. 19 Series of 2000 kun “The Revised Dress Code” alang sa tanang opisyal ug kawani sa gobiyerno.
Atol sa regular session kagahapon sa konseho sa siyudad giaprobahan ang resolusyon nga giduso ni Konsehal Raul Alcoseba kabahin sa pagpatuman sa dress code sa mga opisyal ug kawani sa Dakbayan sa Sugbo. Ang city administrator niawhag sa Human Resource Department Office sa pag-monitor sa mga kawani sa city hall kong nituman ba kini sa pagsul-ob sa ilang prescribed uniform.
Ang mga sakop sa konseho naglaom nga ang maong balaod mapatuman lakip na sa sa mga bag-ong kawani. (Gikan sa The Freeman/BDB)