CEBU, Philippines — Mokabat sa 200 ka kabus nga pamilya sa Dakbayan sa Sugbo ang mapahimutang sa lima ka andana nga medium rise building nga tukoron sa kagamhanan sa Dakbayan sa Sugbo diha sa Barangay Lorega San Miguel.
Matud ni Atty. Jose Daluz ,III, special assistant to the mayor nga ang executive departament nisugyot og P268 milyones ubos sa P2.5 bilyones nga Supplemental Budget-2 karong tuig.
“We are proposing a medium rise building, a five story building that we will established in the city. Two clusters of building that will house 200 families. It only needs two hectare of lot”, matud ni Daluz.
Matud ni Daluz nga imbes nga ihatag sa matag pamilya ang luna i-maximize kini sa paggamit sa kasamtangang administrasyon.
Si Daluz nipasabot nga 10 lang ka pamilya ang mahatagan sa duha ka ektaryang luna apan kong tukoran kini og medium rise building 200 ka pamilya ang makapahimulos niini.
Ang nahisgutang building butangan kini og parking area, multi-purpose function room, training area, daycare school, administrative area, material recovery facility, septage treatment plant, ug uban pa.
Gipadayag ni Daluz nga ang maong pagtukod sa building kabahin kini sa proyekto nga "Gift of Hope" ni Mayor Edgardo Labella. Dugang ni Daluz nga dunay mga pribadong kompaniya nga nagtinguha sa pagtabang sa kagamhanan sa siyudad aron mapatuman ang maong proyekto. (/BDB)(BANATNEWS)