Comelec Talisay gidagsa sa nagparehistro
CEBU, Philippines — Gidagsa sa katawhan ang buhatan sa Commission on Elections sa Siyudad sa Talisay dihang gibalik na ang rehistrasyon.
Gani sa unang adlaw nila nga pagbukas, niabot sa 176 ka tawo ang bag-o nga nagparehistro.
Sa ikaduhang adlaw, taas sab ang linyada sa katawhan nga adunay tuyo sa maong buhatan.
Si Atty. Gallardo Escobar, election officer sa siyudad, naglaum nga moabot sa 200 ka tawo ang magparehistro sulod lang karong semanaha.
Siya nitataw nga daghan og kagamitan ang pagparehistro ilabi na sa pagkuha og passport hinungdan nga daghan ang niduol sa ilang buhatan.
Nalipay lang sab si Escobar nga kay daghan na ang katawhan nga nagpakabana nga magparehistro ug ila pa gyud nga gisayo nga wala na maghuwat sa hinapos nga adlaw sa pagparehistro.
Usa sa ila unyang himoon mao ang off-site registration aron ang usa ka barangay maoy ilang mahimong prayoridad.
Ang Dakbayan sa Talisay adunay 138,897 ka botante niadtong niaging piniliay. (/GMR)(BANATNEWS)
- Latest
