CEBU, Philippines — Gipaubos sa duha ka bulan nga preventive suspension ang Provincial Assessor nga unang gibalhin ngadto sa ITax Office nga si Alma Sibonga tungod sa alegasyong kalambigitan niini sa pagpatukod og extension sa panimalay niini nga sakop na sa luna sa kapitolyo diha sa Barangay Kalunasan sa Dakbayan sa Sugbo.
“We let her explain nganong walay administrative charge nga i-file against her base sa katong ilang gi-construct before didto sa real estate nga gi-construct nila nga building sa Kalunasan likod sa iyang balay,” matud ni Atty. Ritche Capahi ang hepe sa Committee on Discipline and Investigation (COD).
Ang struktura gitukod kini sa adjacent nga luna nga gipanag-iya sa kapitolyo. Matud ni Capahi nga giangkon nilang Sibonga nga sa dihang gipatukod ang maong balay niadtong 2011, walay building permit ug giproseso pa karon.
Giingon wala usab pananghid gikan sa kapitolyo ang katukoran sa maong building. Naghulat na lang karon ang CODI sa formal nga tubag ni Sibonga kalabot niini.
Matud ni Capahi nga nasayod na niini ang gobernador ug sa dihang gipasusi sa real estate section nasayran nga ang extension, kaniadto sa viewing deck pa.
Matod ni Capahi nga mamahimong manubag si Sibonga og kasong gross misconduct, gross negligence, dishonesty ug acts detrimental to the best interest of the service. (/IBM)(BANATNEWS)