CTO mag-opisina sa SM City
CEBU, Philippines – Sugod karong Lunes ang ubang serbisyo sa Cebu City Treasurer’s Office adto na temporaryo nga pagahimoon sa SM City Cebu sa may opisina kaniadto sa Visayan Electric Company.
Matud ni Attorney Jerone Castillo, acting City Treasurer, nga mobalhin una sila alang sa paghatag og higayon sa pagpaayo sa ground floor aron himoong opisina sa mayor.
Ang mga serbisyo sama sa business tax division, real property tax division, cash receipts division, business permits, and licensing offices ang adto una sa SM City Cebu.
Samtang gipadayag ni Castillo nga ang Siyudad sa Sugbo aduna na unya’y kaugalingon nga Finance Center.
Matud ni Castillo nga usa kini sa mga pangandoy sa siyudad kung diin ang mga financial components sama sa treasury, assessor, accounting, budgeting ug uban pang sector sa financial sa siyudad adto na pagahimoon.
Sa inisyal nga bahin, ilang gipanglantawan nga ang replika sa duha ka building nga gi-demolis sa Kawit Island mao ang himoong Finance Center sa siyudad apan butyag ni Mayor Edgardo Labella nga iya pang susihon kung pwede ba ang maong dapit.
“Putting together all these financial offices that involved financing and everything that is one thing that we really look into as it where we still to find it out,” matud ni Labella. (/GMR)(BANAT NEWS)
- Latest
