CEBU, Philippines – Nagplano nga mopasaka og kaso ang kampo ni kanhi Cebu City mayor Tomas Osmeña batok sa duha ka abogado nga gikataho nga nanghilabot aron ihunong ang gihimong pagpahiuli sa buhatan sa mayor nga sama sa iyang paglingkod niadtong 2016. Si Atty. Amando Virgil Ligutan, legal counsel ni Osmeña, nagkanayon nga ang mga trabaho sa opisina mahuman unta kun ang mga abogado nga sila si Atty. Rey Gealon ug Atty. Floro Casas, Jr. wala manghilabot sa trabaho niadtong panahona.
“We need to remember that when Labella’s lawyers intervened on June 28, 2019, Tomas Osmeña was still mayor. He still had the right to remove his belongings and to restore the office to what it was in 2016 before he assumed office again,” sigun ni Ligutan.
Si Gealon sa iyang bahin niingon nga wala siyay kahadlok sa posibleng pagpasaka og kaso batok kaniya.
Si Mayor Edgardo Labella nagtuo nga ang lakang sa kampo ni Osmeña usa ka “afterthought.”
Sa usa ka press conference, si Labella niuyon sa baruganan sa City Legal Office pinaagi ni Gealon nga dili tugutan si Osmeña nga ipadayon ang mga trabaho sa buhatan.
“That’s water under the bridge. The case has been filed and it is very difficult to really change the physical set up because we can be charged of obstruction of justice,” dugang sa mayor.
Matud pa ni Labella nga ang ehekutibong departamento gusto nga ang buhatan ayuhon apan kini gipugngan nga dili buhaton tungod sa kaso nga anaa sa Ombudsman. (/GMR)(BANAT NEWS)