Insurgency nikunhod – Marquez
CEBU, Philippines – Nagtapok ang nagkalainlaing ahensiya sa gobiyerno sa gipahigayon nga Office of the Presidential Assistant for the Visayas, Regional Development Council ug Regional Peace and Order Council diha sa Oakridge, Dakbayan sa Mandaue.
Sa mensahe ni Presidential Assistant for the Visayas Michael Dino nagkanayon kini nga angayang ilhon ang mga factor nga naka-contribute sa padayon nga existence sa communist terrorists groups ug moumol og action plans ug programs nga direktang mo-address niini.
Hatagan nila og prayoridad ang Negros Oriental nga gi-identify sa mga intelligence officers nga infested gihapon sa armed insurgents.
Base sa reports nga ang ilang top priority mao ang 15 ka barangay sa unom ka municipalities sa Negros Oriental diin ang kinatibuk-ang populasyon nikabat ngadto sa 50,000.
Masaligon si Dino nga sa tuig 2021 ang Central Visayas mahimong insurgency-free ug subay niini makasinati na unya og sustainable peace ug economic upsurge.
Si Retired Police Major General Augusto Marquez, pangulo sa National Intelligence Coordinating Agency-7 positibo usab nga makab-ot ang tinguha nga insurgeny-free sa year 2021.
Matud ni Marquez nga nikunhod karon ang mga barangay nga apektado sa komunista itandi sa mga nilabay’ng tuig nga niabot ngadto sa 115 ang apektadong barangay apan karon 15 na lang. Samtang si Brigadier General Dino Dolina, commander sa 3rd Infantry Division nagkanayon nga sila sa AFP ug PNP nipatuman dayon sa tahas nga gihatag kanila aron mahimong insurgency free ang Negros Oriental.
Ang gobiyerno mohatag og socialized housing, tabang kabahin sa medical ug upan pa.
Samtang si Leocadio Trovila, direktor sa Department of Interior and Local Government nibutyag nga ang ihatag nila nga hinabang sa mga kanhi rebelde nga nibalik na sa gobiyerno mao ang financial assistance. (/BDB)(BANAT NEWS)
- Latest
