CEBU, Philippines — Ang Cebu City Police Office nakig-alayon karon sa Department of Health aron mahatagan og atensyon ug himuong prayoridad ang mental health sa kapulisan tungod di ikalimod nga tawo ra sab ang mga polis. Si Police Colonel Gemma Vinluan milusad og programa nga Care for the Carers nga ang tumong niini mao ang paghatag og atensyon sa panghunahuna sa mga polis ilabi na human sa mga police operations nga diin dunay mga higayon nga mosangpot sa bayolenteng resulta. Buot karon ni Vinluan nga ipaubos na gyud pirme sa psychological debriefings ang mga polis nga nalambigit sa bayolenteng mga operasyon ilabi kun adunay mga kinabuhing nakalas. Gibutyag ni Vinluan nga pagkakaron walay psychological debriefings nga gibuhat para kanila. Matud niya kini maoy usa sa hinungdan nga dunay mga polis nga bayolente na sab ug ang uban malambigit na hinuon sa mga krimen ug illegal nga drugas.
“Ang dati, hindi naging scientific ang paano mag-unload ng stress, dapat kasi ma-unload ang kanilang stress. Kailangan magkaroon ng mental health and psycho social support system ang CCPO. Yun ay Care for the Carers, kasi this will cause na bakit may pulis na matatapang o na-involve sa drugs,” sigon pa ni Vinluan. (IBM) (BANAT NEWS)