CEBU, Philippines — Nanghinaot ang outgoing head sa Cebu City Environment and Natural Resources Office(CCENRO) Nida Cabrera nga ipadayon sa bag-ong molingkod nga pangulo sa CCENRO ug sa umaabot nga bag-ong administrasyon ang tinguha nga pagpahigayon og pilot testing sa bike lanes.
Matud ni Cabrera nga sa ilang meeting, na-identify na nila ang proposed bike route kini gikan sa corner Calamba paingon sa B. Rodriguez padulong sa Mango Avenue dayon sa S. Osmeña hinuon dili pa kini final. Tumong sa maong proyekto nga mokunhod ang emission sa Sugbo.
Si Cabrera nagkanayon nga ilaha kining itugyan sa sunod nga administrasyon aron iimplementar kini sa siyudad ilabi na nga aduna nay budget ang pilot testing nahuman na usab nila ang Program of Works and Estimates(POWE) alang sa bike clinics ug naa usab sila’y budget alang sa 50 ka bike racks nga ibutang sa mga government facilities nga libre.
Ang gibasehan sa pagpili og rota alang sa pilot testing mao ang dalan nga napalapdan na daan ug gitan-aw usab nila ang gidaghanon sa mga biker nga moagi sa maong mga lugar.
“Nag-expect ko nga unsay nasugdan sa karon nga mga board including sa planning to implement na, I hope ma-carry over na sa next nga board sad kay automatic man nga ang ilahang term up to June 30 ra sad”, dugang ni Cabrera. (/BDB)(BANATNEWS)