CEBU, Philippines – Mga Muslim nga polis sa region-7 hatagan og higayon nga mosaulog sa Eid Al Fitr karong adlawa diha sulod sa Camp Sergio Osmeña.
Karon ang kataposang adlaw sa usa ka buwan nga pagpuasa sa mga Muslim sa tibuok kalibutan subay sa Ramadan.
Matud sa direktor sa Police Regional Office-7 Brigadier General Debold Sinas nga aduna sila’y 55 ka personnel nga Muslim.
Ug hatagan nila og higayon ang mga polis nga Muslim nga mo-practice sa ilang tinuohan diin ang ilang kalihukan anha ipahigayon sa ground sa PRO-7.
Si Sinas nisaad nga sila maoy moabaga sa pamahaw sa maong mga Muslim aron ilahang mabatyagan nga walay deskriminasyon sa mga Muslim.
“Aron ma-feel sad sa mga Muslim officers nako nga wala namo sila kalimti”, padayag ni Sinas. (/BDB)(BANAT NEWS)