Mga lupon sa Talisay padayong makadawat og incentive
CEBU, Philippines — Padayon nga magdawat sa ilang incentive ang mga lupon sa tibuok barangay sa Siyudad sa Talisay.
Kini maoy gipahibawo ni Konsehal Gail Restauro kinsa chairman sa committee on laws sa konseho sa siyudad.
Si Restauro molingkod sa ikaduha niyang termino isip konsehal ug nanghinaot kini nga unta mapabilin ang iyang komitiba nga nasugdan.
Nipadayag sa iyang kalipay si Restauro nga ang mga lupon nahatagan og binuwan nga incentive gikan sa siyudad tungod sa iyang hangyo. Ang siyudad aduna kini kapin sa 200 ka lupon.
Si Restauro nihangyo kini nga mahatagan og incentive ang mga lupon sama sa mga Barangay Health Worker ug tanod nga nagdawatan usab og incentive gikan sa siyudad.
“Dako man sab gyud og tabang ang mga lupon kay sila ang mohusay sa mga tawo nga wala magkasinabot”, matud ni Restauro.
Dugang ni Restauro nga daghan pa siya og buot nga mapatuman nga balaod sama sa pag-ban unya sa paggamit og plastic straw. (/BDB)(BANATNEWS)
- Latest
