Dumadapig ni Radaza ug Chan nagpustahanay
CEBU, Philippines — Mga dumadapig sa mga kandidato pagkamayor sa Dakbayan sa Lapu-Lapu dili buot mapildi ang ilang gidapigan ug nisangko kini ngadto sa pustahanay.
Sa gipahigayon nga miting de avance sa Team Deretso sa kampo sa mga Radaza nga gipahigayon diha sa football field sa Mactan Export Processing Zone (MEPZ) niadtong Mayo 4 ilang gibanabana nga kapin sa 25,000 ka dumadapig ang nitambong niini.
Ang mao nilang kalihukan maoy katapusan na nilang pagpangampaniya sa Team Deretso sa dili pa an g Mayo 13 nga piniliay.
Ang mga kandidato sa pagkasenador sa Partido Demokratiko Pilipino-Lakas ng Bayan (PDP-Laban) ni Presidente Rodrigo Duterte maoy gipaluyohan sa kampo sa mga Radaza.
Ang maong mga senador wala makatambong sa kalihukanang apan nagpadala kini og ilang representante .
Samtang ang standard bearer sa Team Libre nga si Junard “Ahong” Chan nangangkon usab nga 30,000 ka dumadapig niya ang nitambong sa ilang miting de avance niadtong Domingo sa gabii nga gipahigayon diha sa Barangay Pajac.
Kining mga pangangkon sa duha ka kampo nga kadaugan mao usab ang nakadasig s a ilang pipila ka mga dumadapig sa pagpanghagit og pustaanay kong kinsay makadaog sa piniliay. (BANAT NEWS)
- Latest
