CEBU, Philippines — Sirad-an ang Basilica Minore del Santo Niño ngadto sa publiko karong adlawa sugod sa alas kwatro sa hapon hangtod matapos ang kalihukan sa opening mass sa National Youth Day 2019.
Matud ni Fr. Genesis Labana, OSA, usa sa mga pari sa basilica nga gumikan sa maong kalihukan, wala silay misa nga ipahigayon sa alas 5:30 sa hapon ug wala usab mga pilgrims ug turista ang gitugutan nga makasulod sa maong simbahan kay gitagana kini alang sa mga delegado sa NYD 2019.
Gitambagan ni Labana kadtong mosulod sa basilica karong adlawa nga mobalik nalang ugma, adlawng Huwebes kay sama sa Fiesta Senor ang ilang ipaambit karon alang sa mga delegado sa NYD.
Lakip sa giandam sa basilica mao ang pagpasinati sa mga delegadong kabatan-onan sa traditional dance sa Sinulog. DILT (BANAT NEWS)