CEBU, Philippines — Ang direktor sa Police Regional Office (PRO)-7 Brigadier General Debold Sinas nibutyag nga karong Miyerkules Santo modeklara siya og full alert status sa kapolisan sa rehiyon isip pagpangandam sa Semana Santa.
Matud ni Sinas nga aduna na sila’y giandam nga plano alang sa seguridad sa Semana Santa sa Probinsiya sa Sugbo ilabi na sa Isla sa Bantayan. Si Sinas nihatag og direktiba sa kapolisan nga siguradohon ang seguridad sa mga religious nga lugar diin mao kini bisitahon sa mga tawo panahon sa Semana Santa
Ang maong mga lugar pabutangan usab kini og mga police assistance desk alang sa publiko ilabi na alang sa mga nangasaag nga mga bata.
“We’re prepared for the holy week, preparations namo and everything starting today we have already alerted all our police stations to at least secure the religious areas kung saan ang convergence ng mga tao and second, kong asa ang mga re-enactment sa holy week”, matud ni Sinas. Lakip usab nga hatagan og seguridad ug police assistance desk ang tourist destination sa Central Visayas.
Lakip nga dumogon matag Semana Santa ang Isla sa Bantayan diin sa Biyernes Santo pista sa lugar. Matud usab ni Sinas nga magpadala sila og mga augmentation nga maoy modugang sa seguridad sa maong lugar.
Gibutyag usab ni Sinas nga makighinabi sila sa lokal nga kagamhanan sa Bantayan aron klarohon ang mga ordinansa sa ilang isla nga mahimong basehan sa kapolisan sa mga makahimo og kalapasan. (BANAT NEWS)