Buhing Kalbaryo magpadayon bisan sa kalisdanan
CEBU, Philippines — Anaa na sa ika-22 ka tuig ang Buhing Kalbaryo nga nahimong paagi sa paghinumdum sa mga sakripisyo ni Hesukristo.
Ang maong kalihukan nagsugod niadtong tuig 1997 nga usa ka dula sa entablado matag Biyernes Santo bahin sa pasyon og kamatayon ni Hesus sa krus.
Sa alas 10 sa buntag karong Biyernes Santo, ang dula magsugod sa San Nicolas Parish ug sundan kini sa Stations of the Cross nga nagsubay sa V. Rama Ave. gikan sa Brgy. sa Pahina San Nicolas, padulong Calamba ug Guadalupe.
Karong tuiga, adunay mga kalisod nga naagian ang production sa Buhing Kalbaryo diin usa na niini ang mga permits alang sa mga lugar nga pahigayunan niini ug pinansyal.
Matud ni kanhi mayor Michael Rama kinsa usa sa mga organizer sa maong kalihukan nga magtinihik sila kay dili moubos sa P200 mil ug dili molapas sa P500 mil ang ilang budget karong tuiga.
Dugang ni Rama nga daw gipamolitika ang maong kalihukan kay wala mohatag og suporta ang kagamhanan sa Siyudad sa Sugbo.
Taliwala niining mga suliran, magpadayon ang Buhing Kalbaryo karong tuiga hinungdan nga giawhag sa mga organizers ang katawhan nga mosaksi niini. (/DILT)(BANATNEWS)
- Latest
