CEBU, Philippines — Nikabat ngadto sa P14 milyones ang gigahin nga pundo sa Dakbayan sa Mandaue alang sa gihan-ay nga nagkadaiyang kalihukan sa tinuig nga pangilin sa siyudad karong tuiga nga masaksihan sa mga dumoduong ug mga Mandauehanon.
Kini ang gibutyag ni Atty. Regal Oliva, city treasurer sa Dakbayan sa Mandaue ug maoy organizer sa nga kalihukan.
Kagahapon hingpit nga gilusad sa siyudad ang Midyear Cultural Summit sa nagkadaiyang kalihukan nga gipahaom sa kapistahan sa patron sa siyudad nga si Senyor San Jose karong Mayo 8 niining tuiga.
Matud ni Oliva nga gihatagan nila og gibug-aton sa mga gihan-ay nga kalihukan mao ang kultura ug makasaysayanon nga kahimtang sa Mandauehanon.
Lakip sa kalihukan ang mga kalingawan sa katigulangan dihang sila pa kaniadto ang mga batan-on.
Diin tumong niini nga ipahinomdum sa mga batan-on karon ang kultura sa Mandauehanon.
Lakip sa mga ipahigayon nga kalingawan ang Miss Mandaue, adunay bayle sa plaza, pag-awit sa musika pinaagi sa Bulawan Bisaya Music Festival nga maoy silbing Golden Gala Night. BDB (BANATNEWS)