Noynoy mangulo sa Otso Diritso rally

CEBU, Philippines – Si kanhi presidente Benigno “Noynoy” Aquino maoy manguna sa Otso Diritso senatorial candidates’ “gathering of supporters” ug rally karong adlawa adto sa International Eucharistic Convention.

Ang maong kalihukan tambungan usab nila Senator Risa Hontiveros ug Senador Francis “Kiko” Pangilinan ingon man ang mga kandidato pagka senador nga sila Chel Diokno, Samura Gutoc, Pilo Hilbay, Romy Macalintal ug si Erin Tañada.

Sa dili pa ang rally, karong buntag ang maong mga senatorial candidates mobisita sa Carbon Public Market, Tabunok Public Market, Carcar Public Market ug makigdayalogo sa mga Carcar Hog Farmers sa Siyudad sa Carcar.

Ini’g ka hapon, ang mga senatorial candidates inubanan ni Aquino motambong sa Democracy Forum (Manindigan Na!) adto sa Southwestern University. Kagahapong adlawa, niabot na sa Cebu sila Gutoc, Tañada, Hilbay ug Diokno ug nitambong sa nagkadaiyang aktibidades sama sa Mega Cebu Senatorial Candidates Forum diin ilang gibatbat ang ilang mga plataporma ug panahom bahin sa death penalty, same sex marriage, lowering the age of criminal liability, krisis sa tubig ug uban pa. (/IBM)(BANAT NEWS)