Bishop Oscar Jaime Florencio adunay bag-ong tahas
CEBU, Philippines — Team moderator sa Santo Rosario Parish ug Auxiliary Bishop sa Archdiocese of Cebu, Bishop Oscar Jaime Florencio, kinsa maoy kasamtangang Apostolic Administrator of the Military Ordinate, mobiya na sa Sugbo human kini gitudlo ni Pope Francis nga maoy mangulo sa Military Ordinariate of the Philippines.
Si Florencio maoy mo-asyum aron sa pag-amuma sa tanang ahensya ubos sa maong ordinariate sama sa Military, Police, coast guard, ilang mga dependents ug mga civilian employees sa tanang branches sa Armed Forces of the Philippines.
Ang maong pagpahibalo gibutyag ni Cebu Archbishop Jose Palma, atol sa santos nga misa subay sa ika-105 nga kasumaran sa adlawng natawhan ni Servant of God Teofilo Camomot nga gihimo sa Daughters of Saint Teresa Mother House sa may Brgy. Valladolid, Dakbayan sa Carcar. Matud sa arsobispo kinsa mipahalipay kang Florencio, magpaabot pa usab sila sa anunsyo sa Santo Papa kon kinsa ang ihulip sa biyaan nga posisyon ni Florencio sa Sugbo.
Si Bishop Florencio sa iyang bahin mitug-an nga karong Abril 3 adunay himuon nga installation ug canonical possession sa Camp Aguinaldo.
Gumikan sa bag-ong tahas ni Florencio, si Auxiliary Bishop Dennis Villarojo nalang ang aktibo nga obispo sa Archdiocese of Cebu. (BANAT NEWS)
- Latest
